இயந்திரம் + நரை ஹைக்கூ

இயந்திரம்

நித்தம்
சத்தம் போடும்
உயிரற்ற உழைப்பாளி !


நரை

தீர்ந்துபோன இளமையின்
சாயம்போன
எஞ்சியக் கவுரவம் !

காதலை கைப்பிடிக்க

கன்னியின்
காதலுக்காக
காலமெல்லாம்
காத்திருந்தேன்
கன்னியும்
காத்திருந்தாள் - அவள்
காதலனைக்
கைப்பிடிக்க.

- Mayuran Kumaralingam

பயணச்சீட்டு

பயணம் முடிந்ததும்
நீ வீசிவிட்டுப்போன பயணச்சீட்டு
வீதியிய் புலம்பிக்கொண்டிருந்தது
பயணம் முடிந்துவிட்டதை நினைத்து
என்னை போல

-அ.குமார்

மழை – காதல்

மழை – காதல்


அவள் முகம் பார்த்ததும்
மின்னல் வெட்டி
புகைப்படம் எடுத்தது மழை !

நீ கதவை அடைத்து விட்டதால்
ஏக்கத்துடன் எட்டிப் பார்க்கிறது
ஜன்னலில் சாரல் !

அவளது தாவணிக்குளிரில்
நனைந்துவிட்டு, இப்படி
நடுங்குகிறதே மழை !

கருமேகக் கூந்தல்
மின்னும் கண்கள் கொண்டு
குளிர்மழையாய் வருகிறாள் என்னவள் !

சிறு தூறல் கூட
அடைமழையாகி விடுகிறது
நீ நனைவதாய் இருந்தால் !

-மு.குருநாதன்